Di: Mariamsmi

Ciao a tutti, complimenti pi stu situ e mi scusu sunn’utilizzu u vostru tipu ri sicilianu prima ri tuttu (u miu é ra provincia ri Palermu). Fussi ‘nteressata puru iò a vostra offerta ca ‘ncapu, ma vulissi sapiri siddu u nomi ru traduttori poi veni specificatu opuru no…e poi sacciu ca pa collaborazioni occasionali un s’hann’a superari i 5000 euru all’annu se no s’aviss’a rapiri l’IVA [sti cosi i sacciu picchì sugnu un neo-dutturi in mediazioni linguistica e datu ca travagghiu un cinné mancu a pavallu oru ( a mannatu curriculum all’universu interu) sta circannu ri farimi strata scrivennu ‘nto Web, chi lingui stranieri e ca traduzioni avennu puru ‘nte manu u diploma ru liceu linguisticu], cosa ca un vulissi fari pi motivi ovvi. Quindi vulissi sapiri comu funziona in casu si superanu i 5000 euru picchì un sugnu tantu esperta ‘ncap’a sti cosi.
Atra cosa: siccomu vitti ca puru u Signor Peppi ca ‘ncapu é interessatu…eventualmenti apposta ri pigghiarini unu sulu unni putiti pigghiari chiossai e dati chiossai travagghiu?
Concludennu, ha sturiatu a linguistica, sugnu siciliana e sugnu ‘nteressata.
S’aviti bisognu arrispunnitimi e datimi i risposti a ddi dumanni ca fici (sugnu pronta a attinirimi o vostru cumpenniu o e vostri reguli).
A prestu, speru.